BAI Special General Meeting neih a ni

11th September, 2017

Ni 11/9/2017 dâr 3:00pm khan Conference Hall, Rajiv Gandhi Indoor Stadium, Kochi, Kerala-ah Badminton Association of India (BAI) buatsaih “Special General Meeting” chu tluang taka zawh a ni a. Constitution engemawzat siamthat (amend) a nih bakah BAI hmachhawp kal mêkah hengte hi bengverh zual te an ni:-

  1. Lifetime Achievement Award hi BAI chuan kumtin a semchhuak dawn a, he Award hian “Citation” bakah pawisafai Rs.10 lakhs a keng tel dawn a ni. A hmasa ber atan Prakash Padukone chu he Award dawng tura thlan a ni.
  2. BAI chuan ama pualin Vasant Vihar, New Delhi-ah January 2018 atangin Office a neih tawh dawn a ni.
  3. Indian shuttlers, BWF ranking-a No.50 chin chunglam chuan BAI Senior National Championship-ah kum khat chhûngin vawi hnih tal Pre-quarter finals atangin an khel ziah tawh tur a ni.
  4. State tinah State Association te hnenah Coach pahnih rawihna man pêk leh Shuttle cock pêk a, badminton training kalpui vek tura ruahman a ni.
  5. State tinah ram 8 acres (tin 8 hmun vel) Badminton stadium sakna tur neih tuma hmalak tur a niin, a sakna senso chu BAI lamin a ngaihtuah dawn a ni.

BAI SGM hi MBA President Pu C. Zorammuana leh Pu AC Zonunmawia, Exe. Member, MBA te Mizoram aiawhin kan zuk tel a ni. Tin, anni hian Manorama BWF World Senior Badminton Championship 2017 kan chhim pah nghal a ni.